ചെന്നൈയിന്റെ മുൻ സ്ട്രൈക്കറായ ജെജെ ഇനി ഈസ്റ്റ് ബംഗാളിനായി കളിക്കും. ഈസ്റ്റ് ബംഗാളിൽ വർഷത്തെ കരാർ ആകും ജെജെ ഒപ്പുവെക്കുക.
കഴിഞ്ഞ ആഴ്ചയായിരുന്നു താരം മുൻ ക്ലബ്ബായ ചെന്നൈയിൻ വിടുന്നതായി ഔദ്യോഗികമായി അറിയിച്ചത്. നേരത്തെ ബ്ലാസ്റ്റേഴ്‌സ് ഉൾപ്പടെ 6 ഐഎസ്എൽ ക്ലബുകളുമായി ജേജെ ചർച്ചകൾ നടത്തുന്നുണ്ടെന്നു റിപ്പോർട്ടുകൾ ഉണ്ടായിരുന്നു.
ചെന്നൈയിൻ എഫ്സിക്കൊപ്പം കഴിഞ്ഞ അഞ്ചു സീസണുകളിലായി
76 മത്സരങ്ങൾ കളിച്ച താരം രണ്ട് ഐ എസ് എൽ കിരീടങ്ങളും ടീമിനൊപ്പം നേടിയിരുന്നു. ടീമിനായി 25 ഗോളുകളും 7 അസിസ്റ്റുകളുമാണ് താരം സംഭാവന ചെയ്തത്. പരിക്കിനെത്തുടർന്നു കഴിഞ്ഞ സീസൺ മുഴുവൻ ജെജെയ്ക്കു നഷ്ടപ്പെട്ടിരുന്നു.
